စိုင်းထီးဆိုင် သီချင်းတွေပဲ
အများဆုံး တီးဖြစ်တယ် …
တခါကလို …
ဝတ္တရားတွေ ၊ တာဝန်တွေ ၊
လူမှု စည်းကမ်းတွေ အကြောင်းလည်း …
စိတ်ကို ခဏခဏ ပြောဖြစ်တယ် ။
ဖယောင်းတိုင်မီးတွေ အကြောင်း …
Windows 8 အကြောင်း …
၂၀၀၇ မော်ဒယ် ကား ပါမစ်တွေ အကြောင်း …
မာ့ခ် ဇူကာဘတ် ရဲ့ မင်္ဂလာ သတင်း အကြောင်း …
ကိုယ် နဲ့ မနှီးနွယ်သလိုပဲ ကွယ် …။
ကောင်မလေးရယ် …
တစ်ယောက်တည်းမို့ …
တစ်ကောင်တည်းပါ သုံးနှုန်းမိခြင်း က လည်း
မင့် ကို နားဝင်မချိုစေဘူး တဲ့ လား …
နောက် ဆို ဆင်ခြင်ပါ့မယ် …
တနင်္ဂနွေ ကျရင် လည်း
ကိုယ့် ကိုယ် ကို ဖီးသင်ရဦးမယ် ..
ရယ်သံစွက်နေတဲ့ အပြုံးတွေပဲ
ကိုယ်ကပဲ လိုချင်မိတာ …
အဲဒီ့ စာမျက်နှာတွေ အပေါ်
ရေးထားခဲ့မိသမျှတို့ကို တော့ …
ခေါင်းကို တစ်ချက် ထိုးဖွပြီး …
မနေ့ညက အိပ်မက်တွေလို မေ့လိုက်ကွယ် …။ ။
PM 9:43 23rd MAY 2012
No comments:
Post a Comment