လူတကာကို နှပ်ချင်တဲ့ အတွေးတွေ ပါမပါတော့ …
ပြောမတတ်ဘူး ။
မျိုးကောင်းရိုးကောင်း မိကောင်းဖခင် သားသမီး လုပ်ချင်ကြတယ် ။
စာနာစိတ် မဲ့လို့ သေသွားခဲ့တဲ့ ဘ၀တွေ အကြောင်းတော့ မပါကြေး ...
လမ်းဘေးက ကပ်စီးမယ် ။
မီးနီရောက်ရင် ရပ်မယ် ။
အကွေ့ရောက်ရင် ဟွန်းတီးမယ် ။
စည်းကမ်းလိုက်နာပြလိုက်ရင်ပဲ လူ' ပီသပြီ မဟုတ်လား ။
ခေတ်ပေါ်စည်းကမ်း အတိုင်း နေမယ် ။
ခေတ်ပေါ်ဓလေ့ထုံးတမ်း အတိုင်း ...
ခေတ်ပေါ်ဝတ်စားဆင်ယင်မှုအတိုင်း …
ခေတ်ပေါ်လူကြိုက်များမှု အရ …
တချို့သော အရာတွေက နောင်ခါလာ နောင်ခါဈေးပေါ့ …
ဦးထုပ်ဆောင်းလိုက်ရင်
နောက်ကြည့်မှန် တပ်လိုက်ရင်
သူလိုငါလို ဖြစ်သွားရောပေါ့ …
လမ်းမပေါ် တက်လာခဲ့တာတော့ ဟုတ်တယ် ။
မတော်တဆမှု တစ်ခု ဖြစ်တော့မယ် ဆိုရင်တော့ …
ငါလည်းပဲ
မင်းလို ကြောက်မိတယ် ။ ။
No comments:
Post a Comment