Monday, July 30, 2012

ထုသားပေသားကျတဲ့နေ့



ပျို့တက်လာသော အုံကြွမှုကို

မျိုချမိသည့်နောက်

အစာမှားသလို ဘာလိုလိုဖြစ်ခဲ့

(တကယ် ဖြစ်ခဲ့တယ် ။)

၂၁ တောစပ်အ၀င်ဝ မှာ

ငါ ဟာ ...

သွေးသားအတွက် လေး ၊ မြှား တို့ကို စွန့်ပစ်ခဲ့သူ …

ကြိုးစားခြင်းကို လေးလုံးစပ်၍ ရယ်ပွဲ ဖွဲ့ခဲ့သူ …

ဦးတည်ရာမဲ့ ကောက်ကြောင်းတို့နဲ့ ရှုပ်ထွေးခဲ့သူ …

(ဘယ်လိုလူလဲ …?)

ဒီလိုလူ အတွက်

`အိမ်´ကို နှစ်သက်ဖြစ်ရင်တောင်မှ

ကြမ်းအခင်းကို ဘီး (ဘိမ်း) လုံးတပ်

ငှက်မွှေးအကာ တို့ နဲ့ ပြည့်နှက်ဘိတဲ့

`လေထဲက တိုက်အိမ်´သာ ဖြစ်လောက်ရဲ့လေ ။


သွေဖည်နေခဲ့ပြီး ပြည့်စုံကျေနပ်မှု တို့မှ

ငါ့ကိုယ်ငါ ပက်လက်မျှောဖို့ရာ

လူတကာ ရဲ့ တံတွေးခွက်ကို လိုက်ရှာခဲ့

(ရှာသလိုလို လုပ်ခဲ့တာ …)

အစပြုဖို့ရာ လည်း စူးစမ်းရင်းမှာပဲ

အံ့သြထိတ်လန့်ဖွယ်ရာ

အစ ဟာ အဆုံးသတ်ခဲ့ပြီ ဖြစ်ကြောင်း သိခဲ့ရ

ငါ့ကိုယ်ငါ သဂြိုလ်ဖို့ရာ အတွက်

တစ်ဘ၀တာလုံး ဈာပန စရိတ်ကို လိုက်ရှာရမယ့် အဖြစ် …

ဖြစ်ရပ်တိုင်း သည် အဓိပ္ပာယ် ကိုယ်စီ ရှိသည် ဆိုပါအံ့

အဓိပ္ပာယ် တိုင်း အတွက် ဖြစ်ရပ်တို့ကို သာဓက ပြပါ ။
 



23rd September 2001

ဘုံဆိုင်က ကဗျာဆရာ



လက်ခုပ်တီးပေးသူတွေ ရှိသလို

ရေကိုင်ပြီး နံကြားကို ပွတ်သပ်ပေးလိုသူတွေ ရှိရဲ့

မျက်နှာဖုံးစွပ် အကြီးကြီး တစ်ခု နဲ့ သူတို့ အပေါ် ရိုးသားခဲ့

အလေ့ကျ ချဉ်ခြင်းတပ်မှုတွေ နဲ့ လည်း

လေချဉ်တက်တိုင်း အိတ်ကပ်ကိုပဲ စမ်း”စမ်း” နေမိ

မိတ်ဆုံစားပွဲ တွေမှာတော့

တောကမျောက် မြို့ရောက်နေသလို ...

ဘာကိုမှ စကားမစပ်မိလိုက်နဲ့

အဖြေတိုင်း အတွက် မေးခွန်းတချို့တောင် စဉ်းစားမတတ်

ဂုဏ်တင်စရာလိုလို ပြောနေဖြစ်သမျှတို့ အတွက်

ရင်ဦးခန်းမှာ ၀ိဝါဒတွေ ကွဲပြားနေဖို့ မလို

လူပေါင်းခြောက်သန်းကြားမှာ

သံစဉ်အမှန် နဲ့ တွန်ကျူးပစ်လိုက်ဖို့ ဆိုတာ

ဒီ ဘုန်းနိမ့်တတ်တဲ့ နေရာက

မသိစိတ် ရဲ့ လူရည်သွေးမှု ပြယုဂ် မျှသာ ဖြစ်တယ်။   ။





20th December 2003

မြစ်ပေါ်က ရှုခင်း


အစုန်အဆန် လှိုင်းကြက်ခွပ်ကလေးတွေထဲ

တက်မပါ ၊ ရွက်မပါ

လက် နဲ့ သာ ယက်တွားနေတော့ ...

သတိပေးတဲ့ အသံတချို့လည်း

အတော်ဝေးဝေးမှာ ကျန်ခဲ့ပြီ ။

သူရဲကောင်းယောင်ယောင် ၊ သူတောင်းစားယောင်ယောင်

ငွေကြေးကို အလေးမထားသူယောင်ယောင်
 
သရုပ်ဆောင်ခဲ့ ...

ကျရာ ဇာတ်ရုပ် အတိုင်း ပေါ့ ...

ဘ၀က လပေါင်း (၆၀) စာ နှေးကွေးလေးလံနေပြီး

လမင်းလေး ရှိတဲ့ည က ပဲ

မျှော်လင့်ချက် အ၀တ်တန်ဆာတွေ နဲ့

စိမ်းမြမြ စိုခဲ့ပေမယ့်

အိပ်မှုန်စုံမွှား စိတ်ကူးပေါက်ရာ မို့လား မသိဘူး

ဒီနေ့တော့

မနေ့ကလောက်ကို

အိပ်စက်ခြင်းမှာ ဆား” မပါ ...

ဖြစ်ပြီးရင်း ပျက်ပျက်နေတတ်တဲ့

သဘာဝ ဓမ္မ ကိုလည်း အမြင်ကတ်လိုက်ပ

ဒုက္ခကို ပိုးမွေးသလို မွေးလာပြီး

ဒီမျောက်ကို ကိုယ့်ဝမ်းကိုယ်ကျောင်းဖို့ ပြောမရမှတော့ ...

ကဲ ... ဟစ်ပိုခရေးတီးစ်ရေ ...

ကျုပ် လှေဝမ်းထဲ ခဏလောက် ကြွခဲ့လိုက်ပါ

လရောင်ထဲ ဘ၀ကို ထည့်ပေါင်းမိရာက

ဟစ်ပိုခရေးတီးစ် နားနီး ဟစ်ပိုခရေးတီးစ် များ ... ဖြစ်မလား တွေးရမတဲ့ ...





13th January 2004

Friday, July 27, 2012

တသားတည်း ကျတဲ့ စိတ်



ဧဒင် ဒဏ္ဍာရီ ထဲက

အာဒမ် ရဲ့ နံရိုး ဟာ ဧ၀ ဖြစ်ခဲ့ သလို

ငါ့ အသွေးအသား နဲ့ ခန္ဓာမှာ

မင်းလည်း ပါမယ်လို့

ငါက ယုံမှတ်ထားခဲ့ပါတယ် ။

ကောင်မလေး ရယ် …

လက်သည်းဆိတ်တော့ လက်ထိပ်နာသတဲ့ …

အိမ်ရှေ့ပူတော့ အိမ်နောက် မချမ်းသာဘူး တဲ့ …

အရင်းလဲရင် အဖျား ထင်းဖြစ်တယ် တဲ့ …


တခါတခါ မှာ

ငါ လုပ်လိုက်မိတာတွေက

မင်း စိတ်ကူး စိတ်သန်း နဲ့ ထပ်တူ

မင်း ဖြစ်စေချင်တာတွေ ကလည်း

ငါ လွတ်လွတ်လပ်လပ် ပဲ ဆုံးဖြတ်ခဲ့သလို

နောက်ဆုံး …

မင်း အတွေးအခေါ် နဲ့ ငါ့ ခံယူချက် တို့ဟာ

တသတ်တမှတ်တည်း ဖြစ်ခဲ့ပြီး

မင့် အပေါ် ငါ့ ယုံကြည်ချက်ကလည်း

လေကို ရှူရှိူက်မိတိုင်း

ငါ့ ကိုယ်မှာ

အသက်ဓာတ် ရှိနေသေးတာလို သေချာခဲ့

ဒီလို နဲ့

ငါဟာ မင်းပဲ ဖြစ်နေပြီး

မင်း ဟာလည်း ငါပဲ ဖြစ်နေတတ်တယ် ဆိုတာ

ငါတို့မှာ ပိုခိုင်မာခဲ့ပေါ့ …


ကောင်မလေးရေ …

မင်းဟာ မင်း´အဖြစ် နဲ့ နေထိုင်တဲ့ အခါ

မင်းဟာ မင်း´အဖြစ် နဲ့ တွေးတောတဲ့ အခါ

မင်းဟာ မင်း´အဖြစ် နဲ့

ငါ့ ဘက်ကို လှည့်ကြည့်တဲ့ အခါ

မင်းဟာ မင်း´အဖြစ် နဲ့

ငါ့ကို လွမ်းဆွတ်မိတဲ့ အခါ

အဲဒီ အခြေအနေကို ပြန်သတိရ

ဘယ်နေရာ

ဘယ်အနေအထား

ဘယ်သူတွေ ကြားမှာပဲ ဖြစ်ဖြစ်

ငါ့ရင်မှာလည်း

မင်း စိတ်အတိုင်းပဲ

တည်ရှိနေတော့မှာ …။   ။





9th MAY 2007

လက်ခံလိုက်မယ်


ရေ ဆိုတာ

အရောင်ပါဖို့ မလိုဘူး ။

ခင်ဗျားတို့ ကျုပ်တို့

စွန့်စားခန်းမှာ

ကမ်းပါးနှစ်ဖက်

ကြိုးတံတားလေး နဲ့

ကူးဖြတ်ရတာလည်း ရှိဦးမှာပေါ့ ...

အိပ်မက်တွေ ပဲ မက်တတ်ရင်

အခန်းဆက် ဇာတ်ကြောင်း အဆင်မှာ

ဝင် မပါချင်နဲ့

အလှစိုက် ပန်းအိုးလေးတွေ

အလှမွေး ရွှေငါးလေးတွေ

အလှကြည့် ပန်းချီကားလေးတွေ

အလှ ...

အလှ ...

အလှ ...

ဒီလိုနဲ့ပဲ သုခုမ ဆန်နေတော့ မလား ။

ခါတော်မှီ စွင့်လန်းတတ်ဖို့ပါပဲလေ ...

သိပ် အဝေးကြီးတွေလည်း လျှောက်မတွေးလိုက်ပါနဲ့

ဒီနေ့ကိုတောင်

ကိုယ်တိုင်ကိုယ်ကျ

ကျကျနန

အစီအစဉ် ချလို့မှ မရတာ ...။   ။






15th November 2009

အယူခံ

ကိုယ့် ဒုက္ခ ကိုယ် ရှာခဲ့တဲ့ လမ်း

ရနံ့က လေညှင်းကို မရှောင်နိူင်တာလား

လေညှင်းက ရနံ့ကို မရှောင်နိူင်တာလား

တကယ်ဆို အချစ်မှာ အပြစ်မရှိပါဘူး ။

ဒဏ်ရာ အနာတရတွေ နဲ့

စည်းအပြင်ရောက်နေတာကလွဲလို့

ကဗျာဆရာ ဆိုတာလည်း လူ ပဲ

ဒုက္ခ နဲ့ တစ်ခါတွေ့တိုင်း

မိန်းမတစ်ယောက် ရဲ့ ရင်ခွင်ထဲ

တိုးဝှေ့ငိုရှိုက်ပစ်လိုက်ချင်တာပေါ့ ...

မပိုပါဘူး

ဒီ့ထက် မပိုပါဘူး

မလိုပါဘူး

ရမ္မက်တွေလည်း မလိုပါဘူး

ဆိတ်ကွယ်ရာ အမှောင်ထဲ

ကမ္ဘာပေါ်မှာ

ဘယ်သူမှ မပြောဘူးသေးတဲ့

စကားတစ်ခွန်း နဲ့

မင်း ရဲ့ အသံလေးကိုပဲ

ပြစ်မှားမိခဲ့တဲ့ ငါ

တကယ်ဆို

အချစ်မှာ အပြစ်မရှိပါဘူး ။

 ရိုးဒီ

23rd APRIL 2008

အမည်မဲ့ (၂)

အကယ်၍

နှင်းဆီခင်းထဲမှာ

မြက်ပင်လေးတစ်ပင် ပေါက်နေမယ် ဆိုရင်

နှင်းဆီပင် အနှုတ်ခံရမလား

မြက်ပင် အနှုတ်ခံရမလား

ဒီလိုနဲ့

မြက်ပင်လေး မသေခင် ပြောသွားတယ်

နာကြည်းစွာနဲ့ပေါ့ ...

ဟိုတစ်ချိန်တုန်းက

ဒီနေရာမှာ

မြက်ရိုင်းတောကြီးသာ ရှိခဲ့တာ

မမေ့ပါနဲ့ ...။   ။

SUNDAY NOON

မိုးနည်းရပ်ဝန်း ( ၂ )

မိုးတိမ်က

ကိုယ့်ကို ရယ်သွမ်းသွေးတယ်

တစ်ခုသော မွေးနေ့က ကိုယ့် ဆံပင်ကို နမ်းတယ်

သတင်း အတိအကျ မသိရတဲ့ သတင်းက

ကိုယ့် နှလုံးသားကို အစိုအခြောက် မြှောက်တယ် ။

နေမင်းကို သားရေကွင်း နဲ့ ပစ်တဲ့ ကလေးကို

သူ့ ကိုယ်စား

ဝမ်းနည်းကြောင်း သ၀ဏ်လွှာ ပါးပါမယ် ။

ခင်ဇော်မြင့်

L' isommie

ဟန်ဆောင်ကောင်းလွန်းတဲ့

လောကသားတွေ အလယ်

အမှန်တရားကို ဖွေရှာဖို့ အတွက်

အတွေးတစ်ချက်ပဲ လိုတယ် ။

နေပါစေ ... နေပါစေတော့ ...

ချစ်ခြင်း ၊ မုန်းခြင်းကင်းတဲ့ ကမ္ဘာကိုရောက်ဖို့

ငါ အိပ်ပျော်နေလို့ မရပါဘူး

ကောင်းကင်က ပထမဆုံး နှင်းစက်ရဲ့

မြေကမ္ဘာ အတွေ့အကြုံက ခါးသီးလွန်းတယ်။

တာဝန် ဆိုတာကလည်း

ဖိစီးနေသေးပြန်တော့

နှင်းစက်တွေ ... မိုးစက်တွေ

ဖုန်မှုန့် နဲ့ အတ္တတွေကြား

ရောပြွမ်းလို့ ကခုန်နေကြသေးလေရဲ့ ...

တကယ်ပါ

အိပ်မက်တစ်ခုလို

သက်တမ်းတစ်ခုက နိုးထချိန်

ချွေးစက်တို့ နဲ့

အဖြူရောင်လက်တွေက ကမ်းတဲ့

ပန်းပွင့်တွေကိုပဲ

ငါ

သီကုံးပန်ဆင်ခဲ့ပါတယ် ။   ။

SUNDAY NOON

ဆိုပါစို့

ကမ္ဘာကြီးဟာ ရွာကြီးတစ်ရွာ ဖြစ်တယ် ဆိုပါစို့

ရွာကြီးတစ်ရွာ ထဲမှာ ကဗျာဆရာ တစ်ယောက် ရှိတယ် ဆိုပါစို့

ကဗျာဆရာတစ်ယောက် ထဲမှာ သီချင်းတစ်ပုဒ် ရှိတယ် ဆိုပါစို့

သီချင်းတစ်ပုဒ် ထဲမှာ နေကြာပန်းတစ်ပွင့် ရှိတယ် ဆိုပါစို့

နေကြာပန်းတစ်ပွင့် ထဲမှာ ဘုရားသခင် ရှိတယ် ဆိုပါစို့

ဘုရားသခင် ထဲမှာ အဆိပ်ခွက်တစ်ခွက် ရှိတယ် ဆိုပါစို့

အဆိပ်ခွက်တစ်ခွက် ထဲမှာ ငွေစကြေးစ ရှိတယ် ဆိုပါစို့

ငွေစကြေးစ ထဲမှာ ၀ံပုလွေတစ်အုပ် ရှိတယ် ဆိုပါစို့

ဝံပုလွေတစ်အုပ် ထဲမှာ အဏုမြှူဗုံးတစ်လုံး ရှိတယ် ဆိုပါစို့

အဏုမြှူဗုံးတစ်လုံး ထဲမှာ နွေဦး ရှိတယ် ဆိုပါစို့

နွေဦး ထဲမှာ ဂစ်တာတစ်လက် ရှိတယ် ဆိုပါစို့

ဂစ်တာတစ်လက် ထဲမှာ သံလွင်ခက်တစ်ခက် ရှိတယ် ဆိုပါစို့

သံလွင်ခက်တစ်ခက် ထဲမှာ သေနတ်တစ်လက် ရှိတယ် ဆိုပါစို့

သေနတ်တစ်လက် ထဲမှာ အကြမ်းဖက်ဝါဒ ရှိတယ် ဆိုပါစို့

အကြမ်းဖက်ဝါဒ ထဲမှာ နောင်တတရား ရှိတယ် ဆိုပါစို့

နောင်တတရား ထဲမှာ အတ္တ၀ါဒ ရှိတယ် ဆိုပါစို့

အတ္တ၀ါဒ ထဲမှာ အနုပညာ ရှိတယ် ဆိုပါစို့

အနုပညာ ထဲမှာ သေခြင်းတရား ရှိတယ် ဆိုပါစို့

သေခြင်းတရား ထဲမှာ ဘာမှ မရှိခြင်း ရှိတယ် ဆိုပါစို့

ဘာမှ မရှိခြင်း ထဲမှာမှ

ကျွန်ုပ်တို့ ကမ္ဘာကြီးဟာ ချမ်းသာချင်ယောင်ဆောင်ခဲ့တယ်

ဆိုပါစို့…….။ ။

ရိုးဒီ

နွယ်နီ , AUG: 07'

Thursday, July 26, 2012

ကျန်ရစ်သူ မိသားစု

အခုတော့…

အိမ်ကလေး ရဲ့ မိုးလေ၀သမှာ

စာကြည့်စားပွဲလေးလည်း မီးခိုးတိတ်

မီးဖိုချောင် မီးသီးလေးလည်း ကျွမ်း

အိမ်ရှေ့ ၀င်းတံခါးလေးလည်း

သံဆူးကြိုး မဲ့ ခဲ့ ပြီ…

ညှိုးရော်နေတဲ့ ခြံဝင်းထဲ



တခြမ်းပဲ့ မေတ္တာလမ်း

နွေ ၀င်္ကပါ

တရားသံ အဆုံးမှာ

မျက်ရည်နဲ့ ရေစက်ချခဲ့သူ

အိမ်ရှင်မရဲ့အလွမ်းတွေ

အမှောင်ထဲ ငေးငေးရီရီ။ ။

ရိုးဒီ
< ကာတွန်းမျိုးလေး သို့ >

စိန်ခေါ်ပွဲ

လောကဓံ ... ရေ

ရက်စက်လိုက်စမ်း

နင် လှည့်စားရာ ... လမ်းတလျှောက်

ငါ ... အပြုံးမပျက်ခဲ့ဘူးနော်


လောကဓံ ... ရေ

ရက်စက်လိုက်စမ်း

နင် ... ကျီစားတယ် ဆိုပေမယ့်

ငါ့ ကျောမှာ ဒဏ်ရာ အထပ်ထပ်


လောကဓံ ... ရေ

ရက်စက်လိုက်စမ်း

နိူင်သူ စားစတမ်း

ဒီပွဲမှာ

ငါ့ ထမင်းလုတ် နင့်ကို ခွံ့ကျွေးလိုက်မယ်


လောကဓံ ... ရေ

ရက်စက်လိုက်စမ်း

ပန်းမ၀င်ခင်

ခြေထိုးခံခဲ့တဲ့ နင့်ကို

ငါ အနိူင်ပေးထားလိုက်ဦးမယ်


ကဲ ...

လောကဓံ ... ရေ


ဒီမှာ ကြည့်စမ်း

နင် အရမ်း မြင်ချင်နေတဲ့

ရှူံးသူ့မျက်နှာ

ငါ့ ဆီမှာ ရှိ ..... မရှိ

ရဲရဲကြည့်စမ်း

ငါ့ မျက်လုံးနဲ့ ငါ့ အပြုံး

နင် ရင်ဆိုင်ဝံ့ရင်

လောကဓံ ... ရေ

ကျောခိုင်းလိုက်တော့

ငါ့ လို အပြုံးမျိုး

နင်ပြုံးနိူင်ကာမှ

ငါ့ ကို စေ့စေ့ လာကြည့်လေ ...။   ။
 SUNDAY NOON

Love is a Gift I Give it to You



The night sky twinkle above

The stars mirror the light in your eyes

They fill with the look of love

And with the bond that ties


The eyes are the window to the soul

Open to expose the payment of the toll ?

A spook that is planted like a seed


This spark is a fire burning within

A desire to expand the glow

To some, it's simply a sin

To others, the heart will know


The eyes show the love you feel

The heart is open wide

My soul has to close the deal

Then you walk with me by my side


Love is a gift I give to you

My heart for you to hold

If you feel the love I feel too

Our hearts will warm and

block out the cold.

Belinda Quinton

ချစ်ခြင်းတရားဆိုတာက ငါ မင့်ဆီ ပေးအပ်လေတဲ့ လက်ဆောင်မွန်



ည ရဲ့ ကောင်းကင် ... အဲဒီ့မှာ ၀င်းမွတ်လင်းပြက်

မင့် မျက်ဝန်းထဲ ကြယ်ကကြိုးနဲ့ အလင်းကို တန်ဆာဆင်ထားလိုက်

အပြောက်အမွန်းများ စိုရွှမ်းဆဲ အကြည့်မှာ

နှောင်တည်းထားတဲ့ တွယ်ငင်မှုကိုလည်း တွေ့ရပေါ့ ...


မျက်ဝန်းတွေကတော့ ၀ိဥာဉ် ရဲ့ ပြူတင်းတွေဆို ...

နှလုံးသားရဲ့ တကယ့် လိုအပ်မှု ဆီထိ မြင်သာထင်သာအောင် လှစ်ဟကြ

အချက်ပေးသံတွေ ကြားရဖို့ကော ဘာများ ပေးအပ်ရမတဲ့လဲ ?

သစ်စေ့လေး တစ်စေ့ ရှင်သန် လူးလွန့်လာသလို ...


အဲဒီ့ လင်းပွင့်နေမှုဟာ လောင်ကျွမ်းမီးတောက်တစ်ခုနှယ် ပြာရီ

အခုပဲ စိမ့်ဖြာတောက်ကျူးတော့မယ့် လိုအင်မျိုး နဲ့

ဖြစ်မှု ပျက်မှု အစုစုကပဲ ရိုးစင်းသော မစောင့်ထိန်းနိူင်မှုကို ဖြစ်စေပြီး

အခြားသောအရာများနဲ့ ပတ်သက်လို့ နှလုံးသားမှာ သိရှိပါစေလိမ့်မယ် ။


မျက်ဝန်းတွေမှာ မင်း ခံစားထားမိတဲ့ ချစ်ခြင်းတရားအကြောင်းကို ခင်းကျင်းထား

နှလုံးသားကိုလည်း ပြန့်ပြန့်ကားကားပဲ လှစ်ဟဖို့ ...

ငါ့ ၀ိဥာဉ်ကတော့ တသားတည်းကျမှုဆီပဲ ချဉ်းနင်းဝင်ရောက်ပြီး

အဲဒီနောက် မင်းက ငါ့ နံဘေးမှာ ငါ နဲ့ အတူ လျှောက်လှမ်းလို့ ပေါ့ ...


ချစ်ခြင်းတရား ဆိုတာက ငါ မင့်ဆီ ပေးအပ်လေတဲ့ လက်ဆောင်မွန် မို့

ငါ့ နှလုံးသားကို မင့်အတွက် ကွန်းခိုဖို့ရာ သိမ်းဆည်း

တကယ်လို့ ငါ့လိုသာ မင့်က ချစ်ခြင်းတရားကို ထိရှ ခံစားမိမယ်ဆို

ငါ့ တို့ နှလုံးအိမ်တွေမှာ သိမ့်နွေးထွေးပျပြီး အေးစက်ခါးသီးမှုတို့ကို

တံခါးလို ... ဓါးလို ...။   ။

TRANSLATED BY





3rd September 2007

LinkWithin

Related Posts Plugin for WordPress, Blogger...