လက်ခုပ်တီးပေးသူတွေ ရှိသလို
ရေကိုင်ပြီး နံကြားကို ပွတ်သပ်ပေးလိုသူတွေ ရှိရဲ့
မျက်နှာဖုံးစွပ် အကြီးကြီး တစ်ခု နဲ့ သူတို့ အပေါ် ရိုးသားခဲ့
အလေ့ကျ ချဉ်ခြင်းတပ်မှုတွေ နဲ့ လည်း
လေချဉ်တက်တိုင်း အိတ်ကပ်ကိုပဲ စမ်း”စမ်း” နေမိ
မိတ်ဆုံစားပွဲ တွေမှာတော့
တောကမျောက် မြို့ရောက်နေသလို ...
ဘာကိုမှ စကားမစပ်မိလိုက်နဲ့
အဖြေတိုင်း အတွက် မေးခွန်းတချို့တောင် စဉ်းစားမတတ်
ဂုဏ်တင်စရာလိုလို ပြောနေဖြစ်သမျှတို့ အတွက်
ရင်ဦးခန်းမှာ ၀ိဝါဒတွေ ကွဲပြားနေဖို့ မလို
လူပေါင်းခြောက်သန်းကြားမှာ
သံစဉ်အမှန် နဲ့ တွန်ကျူးပစ်လိုက်ဖို့ ဆိုတာ
ဒီ ဘုန်းနိမ့်တတ်တဲ့ နေရာက
မသိစိတ် ရဲ့ လူရည်သွေးမှု ပြယုဂ် မျှသာ ဖြစ်တယ်။ ။
20th December 2003
No comments:
Post a Comment